Wien HHStA, RK RTA 7, unfol. (Kop.); DV fol. 26v: Caspar Sturm; v. a. Hd.: Placet.

Die röm. ksl. Mt. hat Caspar Sturm zum allerunderthenigisten supplicierendt ersucht, das, wiewoll er ir ksl. Mt. und dem hl. reich als ein ernholt undertheniglich seins verhoffens lange zeith gedienth, des versehens, er sollt derhalben sonderlich uf ksl. Mt. furderung versehen sein worden, das er in seinem alter zimlich underhaltung haben muge, so sei ime doch seithhere des reichstags, vor neun jaren alhie zu Regenspurg gehalten, kein besoldung gereicht und doch mitlerweil uf allen des reichs und andern versamlung sein ambt verwalten, wiewoll ksl. und kgl. Mt. nue deßhalben vertrostung gethon, aber mitlerweil bei 500 fl. eingebust und daran ein gut theil noch schuldig, mit allerunderthenigister bith, sein notturft gnedigst zu bedencken, damit ime in diser noth underhaltung angezeigter neunjerigen dinsten oder ine in andere wege als mit einer geltsteur geholfen werde.

Ist daruf des ausschus bedencken, Kff., Ff. und stende wolten ksl. Mt. vermug verschiner jar gnedigister vertrostung, ime bescheen, undertheniglich bitten, das ir ksl. Mt. gemeltem Caspar geburliche underhaltung verschaffen lassen oder ine sonst seiner dienst halben gnedigst bedencken wolt.

[Beilage A:] Supplikation Kaspar Sturms an den Kaiser, Regensburg, o. Datum, Wien HHStA, RK RTA 7, unfol. (Kop.).

[Beilage B:] Zweite Supplikation Kaspar Sturms an den Kaiser, Regensburg, o. Datum, Wien HHStA, RK RTA 7, unfol. (Kop.).

[Beilage C:] Supplikation Kaspar Sturms an die Reichsstände, Regensburg, o. Datum, Wien HHStA, RK RTA 7, unfol. (Kop.).