Deutsche Reichstagsakten, Jüngere Reihe. Reichstagsakten unter Kaiser Karl V., XIV. Band. Der Reichstag zu Nürnberg 1543 bearbeitet von Silvia Schweinzer-Burian, mit Vorarbeiten von Friedrich Edelmayer

Wien HHStA, MEA RTA 8/Konv. 1, fol. 651r–652v (Konz.); DV fol. 652v: Ad Sanctmum Dominum nostrum.

Novit procul dubio Stas vestra quomodo christiani nominis et fidei inimicus, Turca, sese validissimo apparatu bellico non solum contra regnum Hungariae, verum etiam hanc inclitam nationem Germanicam dudum instruxerit, iamque in ipsa profectione existat. Quamobrem nos contra ipsius conatus eam quam per temporis angustiam licet provisionem facere acoacti sumus decrevimusque hac aestate iterum satis amplum pro conservatione Hungariae et adiacentium provintiarum in Hungariam mittere–a, agnoscentes scilicet quanta irrecuparabilia damna, tam Italiae quam Germaniae, ex eo sint proventura, si Turca totum Hungariae regnum (quod Deus avertat) in suam potestatem redegerit, facilis enim inde sibi in Italiam et Germaniam transeundi pateret aditus liberaque praeberetur facultas nobilissimas illas provintias, si non omnino suae tyrannidi subiiciendi, saltem crebris suis incursionibus igni ferroque devastandi. Cum itaque Stis vestrae nunctius in imperiali conventu Spirensi nobis exposuerit [RTA JR Bd. XII, Nr. 153] Stem vestram paratissimam esse ad praestanda contra Turcam ea quae posset maxima auxilia, sicut etiam superiori aestate certas suas auxiliares copias ad omnia militaria munera obeunda idoneas et paratas in Hungaria habuit. Qua de re Sti vestrae quam possumus maximas gratias agimus et habemus de eius benignitate et clementia plurimum confidentes. Non potuimus omittere, quin in hisce rei publicae christianae difficultatibus summisque necessitatibus nostris denuo ad Stem vestram recurramus, supplices autem ac summo quo possumus studio rogamus, quatenus Stas vestra pro pastorale suo offitio una nobiscum ad repellendas infidelium vires paterno affectu incumbat et pro periculi imminentis magnitudine maiores etiam auxiliares copias, vel saltem 5000 milites, citra moram in Hungariam transmittat.

In quo quidem Stas vestra rem se tanto pastore dignissimam paternaeque suae oblationis Spirae per nunctium eius factae consentaneam ac christianae rei publicae, maxime autem nationi Germanicae et Italiae, necessariam quam et nos erga Stem vestram et sedem apostolicam devotissimis et promptissimis nostris offitiis et servitiis diligentissime promereri et eidem in suis quoque difficultatibus fideliter succurrere studebimus.

Anmerkungen

a
–aMarg. korr. aus: cogimur.