Angeblich geplante Reise des Ks. in die Niederlande.

Seefeld, 10. März 1512

Wien, HHStA, RK, Maximiliana 26 (alt 20) 1512 März, fol. 18, Kop.

Lb. H. swager, als ich heut [10.3.12] hieherkumen bin, ist mir ain pot von dem von Gurg komen und brief bracht an euch [liegen nicht vor], doch daz ich die auftun mug, als ich tan hab. Daraus werdt ir vernemen, was die nechsten brief, so von Rom komen sein, innengehalten haben; daz ander, daz ksl. Mt. in Flandern ziehe, das ich dann halb und halb glaub. Aber ich bin guter hoffnung, ee ich gen Augspurg komb, werde villeicht ain ander post kumen mit pesserm grund. Und was mir verrer begegnet, will ich euch nit verhalten. Und ob sein Mt. in Niderland ist, will ich doch irer Mt. volgen. Damit, was euch lieb und dienst ist. Datum Seefeld mittichen vor oculi Ao. etc. 12.