Wien HHStA, Belgien PA 31/4, fol. 167r–169v (Kop.).

Les poinctz, qui ont esté enchargé au Sr  de Praet et dont il a désiré d’estre esclarcy pour ce que l’empereur luy a enchargé à son retour en Flandres.

Ce que l’empereur traictera icy avec le duc Frédéricq palatin touchant l’affaire de Denemarque1.

Ce que l’on fera après l’expiration des tresves avec le duc de Holstein, que sera en novembre prochain et si l’on les prolongera et pour quel temps2.

Ce que l’on a traicté avec le lantgrave de Hessen et mesmes des cappitaines, que l’on luy a promis d’entretenir dès pays d’embas3.

L’estat, auquel sont présentement les affaires d’Allemaigne4.

Le recès de la présente diètte.

La lighe et intelligence avec les catholicques et ce que l’on peult espérer d’eulx.

La chambre impériale5.

L’affaire de Maestrecht6.

Celluy de Gheldres7.

Comme la royne se debvra conduyre avec le duc de Clèves et ses subgectz et aussi ceulx dudit Gheldres8.

Si aulcuns Gheldrois se offrent au service de l’empereur, comme ladite royne se y debvra conduyre9.

Besteuerung des niederländischen Klerus. Verhalten der Kgn. gegenüber den Nachbarstaaten während der Unternehmung des Kaisers [gegen Algier]. Anfertigung und Bestellung von Artilleriegeschützen. Bezahlung des Geschützmetalls und andere Ausgaben. Verhandlungen mit dem englischen Gesandten. Persönliche Angelegenheiten der Kgn. Finanzierung des Gehalts des neuen ksl. Gesandten in Frankreich Marnol und der Heimreise des bisherigen Gesandten St. Vincent. Übersendung zweier versiegelter Koffer mit dem Material der Kommissare, die die Beamten in Burgund kontrolliert haben, und Bestellung von vertrauenswürdigen Personen, die dieses Material prüfen sollen. Verfahren mit altgedienten niederländischen Beamten.

Depuis ce que dessus et le partement dudit Sr  de Praet, que fut le 23. du mois passé, l’on a esté continuellement poursuyvant la direction et conclusion du recès et des aides hâtive et durable. Et pensoit sa Mté, que le 28. dudit mois la fin s’en debvoit faire, et feit venir le matin les catholiques et protestans en son logis et praticqua l’on avec eulx jusques à une heure aprèz midy, avant que l’empereur et le roy disnassent, et l’aprèsdisner jusques à une heure de nuyt et encores le vendredy 29. y travailla l’on jusques à deux heures et demye après midy seulement ledit recès se feit, dont l’on envoye relation du substancial avec ces articles. Car sitost que ledit recès fut publié et accepté, sadite Mté ne feit que disner et après se départy du roy et vint encores cincq lieues. Et est demouré le conseiller Naves pour recouvrer ledit recès et faire la commission de Maestrecht et achever aultres particularitéz, dont l’on luy a laissé charge.

En oultre ledit Sr  de Praet scait la peyne, où sadite Mté s’est retrouvée de Monsr  le duc Frédéricq persistant que comme qu’il fut l’on luy bailla dès maintenant assistence pour son affaire de Dennemarcque ou en tous advènements que l’on luy donna de quoy vivre, remonstrant, qui soit en extrême nécessité. Et enfin après luy avoir remonstré tout ce que l’on a peu aviser concernant l’impossibilité de maintenant luy bailler assistence, l’on si est arresté. Aussi a l’on refusé ce qu’il vouloit, que l’on ne proroga plus de tresves avec le duc de Holstein. Mais sa Mté touchant l’aide, qu’il demandoit, et très grande selon son extrême nécessité, qu’est telle, que ledit Sr  de Praet a bien entendu, luy a accordé enfin huit mille florins de quarante gros par an en actendant que l’on aye regardé en sondit affaire ou qu’il aye aultre moyen de vivre, supposant, que son frère ne la peult faire longue. Et encores a il persisté, que ladite pension soit payées de troys en trois mois, surquoy fauldra, que la royne regarde de bailler ordre pardelà avec ceulx des finances estant ceste partie pitéable et n’ayant aultre moyen la payer ailleurs. Et quant à la tresve elle se pourra prolonguer d’ung an à compter dès l’expiration de la prolongation dernièrement faicte à Regensbourg10.

Le Sr  de Praet scait l’office et debvoir, qu’a fait le docteur Groperus11 de Monsr  de Coulongne en la dernière diètte et qu’il est personnaige, dont l’on se peult servir non seullement en l’affaire de la religion, mais aussi touchant Gheldres, dont sur le partement le Sr  de Granvelle luy a parlé et semblablement au conte de Mandrescheit12 [sic!], lesquelz chacun à par soy ont promis d’y faire toute la bonne euvre, qu’ilz pourront. Et afin de gaigner plus la voulenté dudit Groperus luy a sa Mté fait dire, qu’elle luy feroit bailler une pension de pardelà jusques à trois ou quatre cens florins par an sur les premiers bénéfices, qui vacqueront pardelà. Et fauldra, que la royne le cas advenant en ait souvenance. Et sera aussi bien fait d’avoir recommandé ledit conte de Mandrescheit en ses affaires. Fait à Yspurg, le 6. jour d'aoust l’an 1541.

[PS:] Modifikation der Anweisung zur Anfertigung und Beschaffung von Artilleriegeschützen.