Vertagung des Schiedsverfahrens, Freilassung der Gefangenen und Restitution der ausgetretenen Erfurter Bürger.

[Augsburg], 26. April 1510

Weimar, HStA, EGA, Reg. G Nr. 195, fol. 50a, Kop.

Der Kff. furhalten, freytags nach jubilate [26.4.10]
an Sachsen und Menz bescheen

Dweyl dy sachen zwischen Menz und Sachsen alhie nit wol mochten beygelegt werden aus manicherlay ursachen, das den gebrechen ain ruhe und anstant wurd geben bis zu bequemlicher zeit. Und [wenn] Menz und Sachsen dan ire rete dazugeben, wolten die Kff. an gelegne stete auch darzu verordnen, dy gebrechn in der güte zu vertragen oder nach der Kff. eynung zu entschaiden. Und das dy gefangen von Fridrichn Thun, haubtman, darauf wurdn loß gegeben und dy vom rat und andere burger zu Erfurt, dy aus der stat gewichn, auch wider hineingelassen und gesichert wurden bis zu austrag der sachn. Wer dan schuldig oder nicht befundn, das ine auch geschee, was billich und recht were.