Nochmalige Aufforderung, zu ihm nach Ansbach zu kommen.

[Ansbach, 16. September 1512]1

Berlin, GStAPrK, XX. HA, OBA Nr. 19 586, Konz.

Kurzregest: Joachim/Hubatsch, Regesta 3, Nr. 19586.

Wirdiger, lb. andechtiger, wir haben eur schreiben, des datum stet montag nach Egidi [6.9.12, liegt nicht vor], [erhalten], darinne ir anzaigt, ir wolt euch unserm bevelch nach halten, aber es haben euch Kff., Ff. und stende des hl. Reichs erwelt und verordnet, der acht rete ainer am ksl. hof zu sein, welichs wir inhalts eur schrift vernomen haben. Sehen soliche erwelung eurethalben nit gern, haben auch gern gehort, das ir soliche entschuldigung, mit uns gein Preussen zu zyhen, getan hebt, nachdem wir eur person zu solichem unserm furgenomen zug in kainen weg geraten mugen. Und ist darumb abermals unser gutlich ansynnen und begern, ir wollet euch nichts verhindern lassen, sonder aigentlich uf Michaelis [29.9.12] bey uns zu Onolzbach erscheinen. Dann ob uns gleich ksl. Mt. eurenthalben schreybt, wollen wir ir Mt. antwort geben, doran dieselben gesettigt sein sol. Wolten wir euch uf eur schreiben nit verhalten, des versehens, ir werdt also in kainen weg aussenpleiben. Wollen wir in gnaden erkennen. Datum.