Aufbruch des Ks. nach Augsburg, Aufforderung an Regensburg zur Entsendung einer Gesandtschaft.

Innsbruck, 3. Februar 1510

München, HStA, Gemeiners Nachlaß 28, fol. 12, Orig. Pap. m. S.

Gruß. Ir habt in verruckter zeit ksl. Mt. in irem schreiben und auf euer begern jüngst vernomen und gleichwol sieder der zeit nit vermerkt, das ursach vorhanden, mich aufzuhalten. Das aber, als vil anhalten, bey ir Mt. nit anderst dan also sein hat wolle[n]. Nun verkunde ich uch, das ir Mt. sieder mitwochen [30.1.10] hier umb und Stambs, das closter, gezogen ist und alle ret hie verschafft, zu pleiben, gleichwol vil bevelchs, ain uber den andern, hereingegeben. Und ehegestern [1.2.10] hat sich sein Gn. zu Stambs erhebt und an den Ferrn [= Fernpaß], des willens, auf Augspurg zu, und wir, die ret, ainstails heut [3.2.10], ich und ander morgen [4.2.10], etlich ubermorgen [5.2.10] aufsein und hinnach sollen und müssen. Das verkund ich euer erberkeit aus dem, wo ir verordnet zu ir Mt. nit hinweg wern, die fuderlich hinauszuschicken, dan der Ks. ist ernstlich und sorglich etc. Das wollet im besten von mir vermerken, dermassen ich solichs tun. Damit, was euch lieb ist. Datum Inspruck sontags nach purificationis Marie Ao. etc. 10.