[1.] Ausfertigung von Geschäftsbriefen in Sachen Augsburger Reichsanschlag der Bff. von Bamberg, Eichstätt und Würzburg; [2.] Bitte um Wiederbeschaffung eines verliehenen Exemplars des Augsburger Reichsanschlags; [3.] Bitte um ein Geldgeschenk.

ohne Ort, 23. Juli 1510

Wien, HHStA, RK, Maximiliana 22 (alt 15b) 1510 Juli, fol. 81, Orig. Pap. m. S.

[1.] Gruß. Gn. H., auf die abred, hie mit euer Gn. gemacht, bit ich, euer Gn. wolle die gescheft an Bamberg und Eystedt umb den letzsten termin, alhie zu erlegen, vertigen, damit solch gelt auf ksl. Mt. absprechen alhie erlegt werde, wie euer Gn. des wissen tregt.

Mer ain gescheft an Bf. von Wirzburg, sein getruckt obligation hinder den Ymhof zu erlegen und den andern termin auch zu legen.

[2.] Ferrer, gn. H., so hab ich auf gn. begern Gabriel Vogt mein verzaichnus des gehalten reichstags1 gelihen; ist mir noch nit wider worden. Bit, euer Gn. wolle daran sein, das mir die wider werde, dan ich der notturftig bin und keinswegs geraten mag.

[3.] Euer Gn., der Ymhof, auch ich bitten, wollen unser beyder ingedenk sein und unser vererung gelts halben umb unser gehabt müe und die wir noch teglich haben des anlehens und hilfgelts halben und bey ksl. Mt. handlen, damit wir deshalben auch bescheid erlangen. Solchs umb euer Gn. undertaniglich zu gedienen wir alzeit willig sein. Euer Gn. gn. antwort etc. Datum am 23. tag July Ao. etc. decimo.