Vgl. Granvelle an Kgn. Maria, Regensburg, 1541 April 11, Wien HHStA, Belgien PA 30/1, fol. 120r–121v (Ausf.): Je ne scauroye pour maintenant riens adjouster aux lettres, que l’empereur escript en responce de celles de votre Mté, et advertissemens y contenuz. Et mesmes touchant le commencement et proposicion de ceste diètte, de laquelle j’envoye une translacion en françois à votredite Mté. Et quant à Mastrecht je y rendray tout le devoir et bon office, que me sera possible, combien que sur ma foy c’est l’une des choses, dont il me semble, que l’on sera austant empesché en ceste diètte et cy après, si ne si [sic!] treuve quelque appoinctement. Et tiens pour certain, que l’on fera icy grosse plaincte des provisions, que s’envoyent contre les héritiers de Dirich, lesquelles néantmoins j’ay advisé et fait faire au grant regret d’aucuns de ceulx mesmes, qui y ont mis la main. Et Dieu scait comme ilz me blasonnent d’estre contre l’auct[orité] de l’empire, dont je ne me socye ayant la raison pour moy. [...]. Votredite Mtéverra ce que l’empereur respond touchant Liège nonobstant toutes remonstrances, que j’en ay faictes, mesmes présent Monsrde Praet. Toutesfois j'espère, que sa Mtéimpériale y regardera encores, et ne desfauldray d’y tenir la main bien congnoissant les raisons de Monsrde Valance. Mais comme qu’il en soit, sadite Mténe consentira à jamais, qu’il tienne les deux bénéfices joinctement, si n’est pour aucun temps et le plus brief que sadite Mtépourra et y aura bien affaire d’y parvenir. [...]. De Regenspurg, ce 11. d’apvril 1540 avant Pasques. – Vgl. auch Louis de Praet an Kgn. Maria, Regensburg, 1541 April 28, Wien HHStA, Belgien PA 30/2, fol. 309r–309v und fol. 312r–313v (Ausf.): Bezahlung der niederländischen Gendarmen im Gefolge des Kaisers. Quant aux aultres affaires publiques l’on a tant travaillé, que du consentement des estaz sa Mté a nommé six docteurs, trois de chacun costé pour communicer [sic!] à desgrosser amyablement les controverses estans en la foy et oultre ce aultres personnages pour y estre présents contenuz en ung billet, qui va avec ceste. Et commencèrent doiz hyer à besongner tant y a que je ne seroye hors d’espoyr, que l’on y feroit quelque bonne chose, si tous tenoyent la main comm’ilz debvroient. Mais comme parcydevant j’ay escript à votre Mté il en y a et des plus grans de ceste Germanye, lesquelz, fait à doulter, ne sont trop enclyns à la concorde, du moings les actions de leurs ministres en rendent evydent tesmoignage. Et jusques à maintenant les protestans et singulièrement le lantgrave se sont monstréz désirans d’ycelle et de servir sa Mté. L’on verra maintenant au joindre, qui y yra de bon pied et sincèrement ou aultrement. Il y a plusieurs aultres particularitéz, madame, trop longues à escripre. Si veulx je bien advertyr votre Mté, que de toutes personnages dénomméz audit billet l’on aperchoyt assez, que chacun d’eulx a désir au bien de l’affaire. Seullement le docteur Eckhyus se rend mal traittable et à la vérité depuis que je l’ay veu et cogneu et oy parler, il est peu à propoz pour entendre en choses, qui touchent aucunne concorde, et n’est sa doctrine si souverayne ny ses façons de parler ny négocier si modestes et discrètes, qu’il seroit besoing. J’ay grant espoir au légat estans yci, lequel est personnage merveilleusement scavant, [mesmement] en ces matières et se démonstre très modéré et traictable. S’il contynue en ceste bonne volenté, il pourra sans faulte y faire beaucoup de bien, que Dieu veulle. De Reynsbourg, le 28. d’avril.