Ablösung Hellers durch Johann Frosch.

Frankfurt, 12. März 1510

Frankfurt, IfStG, RTA Bd. 25, fol. 46a, Konz.

Gruß. Lb., besunder gut freunt, wir haben din schrift [wohl Nr. 485] mit dinem eigen boten diesen morgen vor acht uhern entpfangen und sin der meynung nit gewest, eyn andern bis uf din zukunft zu schicken. Dwil du abir sunst mit fugen nit abkomen magst, so wollen wir dir Johan Froschen alsbalde under augen schicken.1 Darumb begeren wir, du wollest in diner herberg bestellen, [daß] der unser an din stat ufgenommen und din handelung, wes, wie und mit wem du gehandelt hast, in diner herberge und sunderlich der von Erfurt verslossen und versiegelt funden werd. Das haben wir dir im besten nit verhalten, dich darnach haben zu richten. Datum dinstags nach letare Ao. etc. decimo.