A  Weimar HStA, EGA, Reg. E 141, fol. 351r–351v (Druck); ÜS: Ordnung und satzung des vischkaufs, so durch di röm. ksl. Mt. verordent ist.

B  koll. Hannover NLA, Hild. 1 Nr. 78, fol. 624r (Druck); ÜS: Ordnung und satzung des vischkaufs, so durch di röm. ksl. Mt. verordent ist.

Hecht.

Item, die gemesten hecht ain pfundt umb 28 wiener, aber die andern gemeinen hecht das pfund umb 24 wiener.

Kärpfen.

Item, die kärpfen, so zwipfindig und daruber, ain pfund umb 14 wiener, aber die kärpfen, so undter zway pfunden, ain pfund umb 13 wiener und die kärpfen, so ein pfund oder darundter wegen, umb zwelf wiener.

Nörfling.

Item, die nörfling, so uber das pfundt wegen, ain pfund umb 15 wiener. Was aber nörfling weniger dann das pfund am gewicht haben, ain pfund umb 14 wiener.

Barben und prächsen.

Item, ain barben und prächsen ain pfund umb 14 wiener.

Schayden.

Item, ain pfund umb 24 wiener.

Rothvechen.

Item, ein pfund rothvechen umb zwelf wiener.

Schieden.

Item, ain pfundt schiden umb zehen wiener.

Sengl.

Item, die rechten, guten erklaubten sengl ain kopf umb 22 kreutzer, das seidl umb ailf kreutzer, das halb seydl umb 20 wiener, das enickl umb zehen wiener.

Grundel.

Die ußklaubten grundl, so groß und klain, den kopf umb 20 kreutzer.

Koppen oder potten.

Item, ain kopf koppen umb zwölf kreutzer.

Pfrillen.

Item, ain kopf pfrillen umb acht kreutzer.

Krebs.

Item, ain schock, das ist 60 krebs umb 18 kreutzer. Aber vörhen, al, ruten, alten, neßling auch allerlay weyssvisch, zindl, schietzl, persing, stainpeiß, rotl und dergleichen sollen nach dem gesicht zimblicher weyß verkauft werden.

Es sol auch ein yeder vischer, hieig und frembt, so den marckt besuchen, ire wag und verzaichent gerecht gewicht neben iren vischen altzeit haben, bey straff etc. Es sol auch jeder vischer, so visch hat, niemandt dieselben vorhalten noch versagen, sonder altzeit offenlich am verordenten vischmarckt failhaben und meniglich in obbemeltem satz widerfaren lassen. Wo aber einiche person solchem nit nachkheme und daruber betretten würde, sol hertigklich darumb gestrafft werden.

Die gesaltzen visch und fragnerey betreffendt:

Item, den solnischen und gueten gerechten lachs ein pfund umb 24 wiener.Item, den stör ein pfundt umb 18 wiener. Item, den sandl ein pfund 14 wiener. Item, den hausen ein pfundt umb 28 wiener. Item, die hechtn ein pfundt umb 20 wiener. Item, prächsen ein pfundt umb 14 wiener. Item, das schmaltz ein pfundt umb 18 wiener. Item, ein pfundt kertzen uffs schönst und pest umb 16 wiener. Item, die schlechten kertzen ein pfundt umb 14 wiener. Item, den habern den metzen umb 44 wiener1.Item, die kreutz- und schaffkhess ein pfundt umb zwelf wiener. Item, die behamischen khess ain pfund umb zehen wiener. Item, norckhawer khess das pfundt umb siben wiener.

Brotsatz den hieigen pecken, auch den am hoff und regen.

Erstlich zway weysse weckl umb ain kreutzer, sol halten 24 lot.Zwo kreutzer seml 24 lot. Vier seml umb ein kreutzer 24 lot. Zway pöllene laibl umb ein kreutzer, sollen wegen zwo marck und zwelf lot. Ein rockenweckh umb zwen kreutzer, sol haben vier marck zehen lot.

Die frembden peckhen betreffent.

Erstlich zway weisse weckl umb ein kreutzer, sol haben 28 lot2.Zwo kreutzer seml 28 lot. Vier kreutzer seml 28 lot. Zway pöllene laibl umb ein kreutzer, drey marck zway lot. Eina weckh umb zwen kreutzer, sol halten sechs marck acht lot.

Und solches obbemelts gepech soll ein jedes in sonderhait recht und wol gepachen werden, bey straff.

Datum Regenspurg, den zehenden tag Marcij anno etc. 413.