Rom AVat, Armadio LXIV, vol. 6, fol. 64r–65v (Kop.).

Druck: NB I,7, Beilagen Nr. 5, S. 533–534.

a –In causa christianae confoederationis petitur a sua caesarea Mte nomine illustrissimi domini Ludovici v[on] B[ayern] ducis:

1.	Ut caesarea Mtas  sua cum sanctissimo domino nostro agat, ut Stas  sua unum vel plures commissarios cum sufficiente mandato in Germania deputet ad subscribendam, sigillandam et ratificandam dictae confoederationis nuper factam declarationem.
2.	Ut Stas  sua per dictum commissarium vel alias vias summam quinquaginta millia coronatorum, quos conferre nomine provisionis dicti foederis debet quam fieri potest citissime consignandamb in Germania curet.
3.	Ut eadem Stas  sua deputet in Germania commissarium, qui in omnem eventum nomine Stis suae necessaria dictae confoederationi adimplere possit, imminente nam necessitate aliqua subita angustia temporis non pateretur dilationem, qua ad Stem suam vel alia incommoda loca nuntii mitti ex Germania possint.
4.	Ut Stas  sua deputet in Germania consiliarium germanicae linguae peritum, qui singulis actionibus et consiliis dictorum confoederatorum intersit–a.
5.	Praeterea petitur a Mte sua ut VIMCCL floreni ab eadem Mte sua debiti ex causa taxatonis iampridem factae ad hanc confoederationem spectantis, de qua Ratisbonae memoriale caesareae Mti suae et domino de Granvelle exhibitum fuit, praedicto duci Ludovico sine mora transmitti curentur, quod ipsum Mtas  sua se facturam et praedictam summam usque ad VIIM florenos aucturam promisit, ut etiam Hugoni comiti de Montfort Mtis suae consiliario in hoc foedere satisfiat.
6.	Ut Mtas  sua caesarea commissarium in Germania deputet, qui dictae confoederationis necessitatibus ibi satisfacere queat.
7.	Ut eadem Mtas  sua operam dare velit, ut dicta confoederatio accessione aliorum electorum et principum crescat et augeatur.
8.	Et si Mti suae commodum non esset nomine proprio committere vel commis-

sarios deputare ad amplificationemc huius confoederationis, poterit scribere et committere regiae Romanorum Mti, ut Mtas  sua regia non solum hoc, sed etiam quid cum Henrico duce Saxoniae in causa debitae pecuniae atque in aliis difficultatibus confoederatorum tractandum videatur, utriusque Mtis nomine tractare et decernere velit.
9.	Postremo ut declaratio recessus in verbis attingentibus ecclesiasticorum ius et dominium, quam dominus Weißenfelder domino de Naves tradidit, expediatur et in Germaniam transmittatur.