Die Kff. sind dem Ersuchen Ks. Maximilians II. nachgekommen und haben Rudolf II., Kg. von Böhmen, einstimmig zum röm.Kg. und künftigen Ks. gewählt.

HHStA Wien, MEA, WuKA 6-2, fol. 479 f. (undatierte Kop.Dorsv.: Publica proclamatio Regis Romanorum.) = Textvorlage.

/479/ Nachdem auf begern, ersuchung, bewilligung unnd zulassung der röm.ksl.Mt., unnsers allergnedigisten herren, die hochwurdigisten, durchlauchtigisten hochgebornne fursten unnd herren, meine gnedigiste herren, die churfursten, auß hochwichtigen, redlichen, dapffern ursachen zur chur unnd wahal eines römischen konigs gegriffen, haben ire kfl. Gnaden mit zeitlichem vorgehaptem rath zu lob und eher Gott dem almechtigen, auch nutz unnd wolfarth dem Heyligen Römischen Reich und gemeiner christanheit, samptlich, einmutiglich unnd einhelliglich den allerdurchleuchtigsten großmechtigisten fursten unnd herren, hern Rudolphen, konigen zu Hungern unnd Boheim unnd ertzhertzogen zu Osterreich etc., unnsern allergnedigisten herren, alß einen gebornnen ertzhertzogen zu Osterreich unnd konig zu Boheim unnd iren mit churfursten zu römischem könig unnd, im faal erledigung des keyserthumbs (des der almechtig lanng verhüeten wölle) zu kunfftigem kayser bewilligt, benent und /479'/ gewölet im namen des almechtigen Gottes. Solliche einmutige wahl unnd chur verkhunde unnd eroffne ich1 von wegen der gemelten meiner gnedigisten herren, der churfursten, allermeniglich den genanten herren Rudolphum wissen fur erwölten römischen konig, wie sich wol gebueret, zu ehren unnd zu halten.