[1.] Verhandlungen des RT über die Romzughilfe (Höhe und Modus der Hilfe, Besetzung der Kriegsämter), vermutliche Aufschiebung eines Beschlusses bis zur Ankunft Hg. Albrechts von Bayern, Hg. Georg von Sachsen als wahrscheinlicher Kandidat für das Amt eines Reichshauptmanns; [2.] zunehmende Verstimmung gegenüber Frankreich; [3.] Mitteilung von Vorwürfen Frankreichs gegen Kg. Maximilian an die Reichsstände, Vorlage eines päpstlichen Breves; [4.] Nachrichten vom Geldernkrieg, Unwillen Kg. Maximilians und der Reichsfürsten gegen Kg. Ludwig von Frankreich; [5.] Schreiben der auf dem RT versammelten Stände an die Eidgenossen; [6.] Reichsgesandtschaft zu Kg. Ludwig von Frankreich zur Rechtfertigung der Gefangensetzung seines Gesandten Gian Antonio Crivelli.

Konstanz, 29. Mai 1507.

Venedig, BM, Cod. marc. ital. VII/989 (= 9581), fol. 38–39 (ital. Kop.; Postverm.: Per postas regias Venetias usque.1 ) = Textvorlage A. Venedig, BFQS, Cl. IV, Cod. V (= 769), fol. 109’-111 (ital. Kop.; Postverm. wie A) = B.

Teilregest: Erdmannsdörffer, Depeschen, S. 66 (irrtümlich unter dem 28.5.). Auszugsweise referiert bei Brunetti, Vigilia, S. 36.

[1.] /38/ Serenissime princeps. Reducendose quasi ogni zorno doe fiate insieme questo serenissmo re cum li principi dela dieta, non ho sparagnato amico, me habbi de qui, per haver qualche intelligentia deli tractamenti, passano tra loro dapoi la partit[a] de’ Suizari che fu cum la conclusione che jo significai a vostra celsitudine per mie de 22 et 24 [Nrr. 670, Pkt. 1; 671, Pkt. 2] . Et son sta’ /38’/ avisato per più vie fidedigne che al presente sono su do articuli, l’uno è che numero de cavali et pedoni hanno a mandar ala impresa de Italia et insieme del modo del danaro, l’altro è che allo exercit[o] manderano voleno elezer un principe per capetanio general del’Imperio cum 8 conseglieri, tuti principi, senza li qual la maestà cesarea non possi far né pace né acordo né tregua. Et ulterius voleno etiam far electione de uno thesorier che habi a pagar solamente le zent[e] del’Imperio deli danari, li sarà consegnati, et non quelle, vorà condur el re per suo nome.

Tamen par che adhuc non sia conclusa cossa alcuna. Et tiensi che expeterano el duca Albert[o] de Baviera che è qui vicino, et judicase ch’el duca Zorzi de Saxonia, che fu fiolo del duca Alberto, sarà el capit[ano] electo sopra lo exercito del’Imperio, per esser della piùi nobel caxa de Alemagna et zovene valente et per la fama del padre, che fu gran capetanio.

[2.] Accreseno tanto ogni zorno le injurie del re de Franza verso la maestà cesarea oltra l’odio natural, che è tra loro, che hormai non c’è homo che non se persuadi che sua maestà non sia per far ultimum de potentia per vendicarsene, havendo li principi della dieta tanto obsequenti, come mostrano.

[3.] Jo scrisi a vostra sublimità per mie de 22 [Nr. 670, Pkt. 3]  la retentione del fratre [Gian Antonio Crivelli], orator della maestà christianissima, et la instructione et lettere scripte per sua maestà a’ diversi principi contra la dignit[à] de questo serenissimo re, per distrurbar la dieta, che li furono trovat[e] adesso. Dapoi è sta’ etiam retenut[o] uno corrier che veniva al prefato fratre cum molt[e] lettere pur dil re de Franza della medesima substantia, et de più ch’el dovesse far intender nomine suo alli principi ch’el re de’ Romani pretendea usurpar lo Imperio et farlo hereditario de caxa de Austria, et dubitando esser impedit[o] da sua maestà christianissima, la calumniava che lei voleva occupar el papat[o] et la corona imperial, cossa che mai se imagino. Et in testimonio della sua innocentia mandava un breve pontificio [Nr. 160] al predicto fratre, suo orator, per el qual la sanctità del pontifice li scrive che deli movimenti del re de’ Romani non ne sa cossa alcuna et ch’el gli fa /39/ da si et non a sua requisitione, perché mai sua sanctità se pensò pur ch’el re de Franza fusse per offenderla né in el stato né in persona propria, cum molte altre parole in justificatione de Franza. Et questo breve dovea esser mostrat[o] a tuti li principi.

[4.] Insuper novamente ce sono lettere2 de Fiandra che l’era sta’ scopert[o] un tractat[o] che haveano fat[o] le zent[e] francexe che sono ali confini in uno loco de Fiandra che se chiama Aras, et era sta’ squartat[o] un zentilhomo del medesimo loco trovat[o] in dolo. Le qual cosse, insieme cum quant[o] è ditt[o] di sopra, ha sdegnat[o] in tal maniera el re de’ Romani che più non credo poterìa esser; et molt[i] etiam deli principi, a chi el re de Franza scrivea per el so[p]radict[o] frat[e] [Crivelli], l’hano havut[o] molt[o] a male; et per non esser tolti suspecti sono sempre li primi a compiacer el re in tut[e] cosse che tornino a maleficio de Franza che forsi prima non saría stati cossì prompti, ita che quello ch’el re de Franza credeva dovesse zovarli li ha fat[o] non picol danno.

[5.] Hanno li prefati principi scrit[o] letere efficassime nomine Imperii a tuti li cantoni de’ Suizari3, exhortandoli a concluder unione cum lo Imperio contra Franza cum li partiti, li sono offert[i], minazandoli de guera et inimici[ti]a perpetua de tuto lo Imperio, se non lo fanno. Et questo hanno fat[o] per esser avisati che ce sono do messi del re de Franza a Zurich, dove se ha a redur la dieta de’ Suizari a 6 del futuro mexe, l’uno nominat[o] domino Zuan Morexini et l’altro d[omino] Hieronimo Morone che li fano offert[e] assai.

[6.] Fu mandat[o] etiam alli dì passati per lo Imperio alla christianissima maestà uno araldo per justificar la retention del fratre che non havea fato l’offitio de ambasator, ma de tristo et ribaldo, sì nel zonzer ala cort[e] come nele tractation l’havea cominciat[o] a far.4 Alia non sunt. Gratie etc. [Datum, Unterzeichnung, Postvermerk].