Genehmigung zur Heimreise von einem oder beiden Gesandten.

Frankfurt, 25. Mai 1512

Frankfurt, IfStG, RTA Bd. 29, fol. 18a, Konz. (Vermerk fol. 18b: 6. Juny 1512).

Gruß. Lb., besundern, guten frunde, wir haben euwer schrift, der datum den 16. [recte: 18.] tag May [Nr. 1706], irs inhalts verstanden und wil uns nit bedunken, das noit sy, ksl. Mt. nachzufolgen, und lassen es dismals by Villingers befelh. Dwil aber ksl. Mt. in Niderlant, ist villicht nit viel zu handeln. Darumb wollen by euch selbst ermessen, ob ir beid oder aber euwer einer sich mit fugen anheym schicken kont, domit der kost zum tail verhut wurde. Dan wir halten es darfur, wes der usschoß handelen und von Ff. angenommen wirdet, das wir dem auch folgen mussen, doch das wir sunderlich nit ungnad erlangen. Daran tun ir wolegefallen. Datum dinstags nach exaudi Ao. etc. 12.