Reichstagsakten Mittlere Reihe. Reichstagsakten unter Maximilian I. Band 11. Die Reichstage zu Augsburg 1510 und Trier/Köln 1512 bearbeitet von Reinhard Seyboth

[1.] Fürsprache zugunsten Wolfgang Jörgers; [2.] Angekündigte Mitnahme der ständischen Antwort an den Ks.

[Augsburg], 11. April 1510

München, HStA, Gemeiners Nachlaß 28, fol. 93, Orig. Pap. m. S.

[1.] Gruß. H. Wolfgang Jorger hat ewiggelt pey euer weishait, wie ir an der inligend schrift [liegt nicht vor] vernemen werdt. So hat er noch ain tail von ainem seiner gesweien erkauft, dorumb er ainer verschreibung von euer weishait notdurftig ist. Uns mit dem hochsten gepeten, pey euer weishait hilflich ze sein, damit im jezund Jory [23.4.10] sein gelt, auch der brief verfertigt mocht werden. Uns zu gast geladen und vast wol erpoten. Wer unser guetwedunken, euer weishait hett zu ime geschickt und lassen ansagen, wie euer weishait zu der zeit Jory mit gelt nit geschickt seit und auf welche zeit ir getraut, in zu wezalen, als wirs darfur achten, wol erlangen werdt, damit er jezund nit umbsunst schicket, dan er alle jar wol warten mag. Er hat sich groß erpoten, was wir [recte: er] pey ksl. Mt., nachdem er auch der trucksessen ainer ist und vil an hof, auch zu Osterreich der stat und den irigen freuntlichen, gueten willen weweisen mocht, wolt er mit hohem vleis tun. Darauf wer unser rat, das euer weishait in mit dem suessen wein vor ort het. Wurd euch, wo man sein notdurftig wurd, auch mit der pit wol erspriessen. Haben wir euer weishait gueter mainung nit wollen verhalten.

[2.] [...] Was di stand ksl. Mt. wider zu antwort geben, will ich mit mir pringen. Datum an pfintztag nach suntag quasimodogeneti Ao. decimo.