München HStA, Kasten blau 271/1, unfol. Bl. (Konz.)1; DV v. a. Hd.: Den 8. tag Julij 1541.

a –Uff der churfursten und der abwesenden bottschaften jungsts anpringen–a.

Wiewol der durchleuchtig furst [Hg.] Ottheinrich von [Bayern] etc. dafur gehalten und noch, es sei nit wol muglich, von erhaltung fridens [und] rechtens im hl. reiche beschlieslich und bestendiklich zu ratschlagen, es were dan der zwispalt in religionsachen zu leidelicher vergleichung pracht, jedoch dhweil [uff] ksl. Mt., unsers allergnedigsten hern, anmueten chur- und fursten fur guth angesehen, furhandt zu nemen, hat sein fstl. Gn. demselben mit muglichem vleis nachge[dacht] und helt dafur, wan di stritig religionsach in allen puncten verglichen, das der [weg zu] erhaltung fridens und rechtens leichtlich zu finden sein wirdt. Sollth aber b –der bisher gewert–b mißverstand [nit] [hin]gelegt und zu treglicher ainikhait gepracht werden mogen, wie gleichwol [...?]  alsdan wais sein fstl. Gn. diser zeit khainen andern weg zu erdenkhen, dan ob [ainem] jeden die unerledigten glaubensartikel, wie si in der relacion von beiden [seiten] bedacht, bis uff ain general- oder nacionalconili oder zeit, des[sen man] sich vergleichen möcht, c –uff den nurmbergischen fridstand–c freigelassen wurde. Und dhweil di protestirenden sider in zeit desselben fridstands etwa vil d –prophan- und weltlich hendel–d dafur achten wollen, als ob sy dem anhengig und demnach fur das kayserliche chamergericht nit gehorig sein sollen, wurt [...?] vonnoten, guete und underschidliche erleutterung ze thun, uff was sachen und wie weit sich der fridstand erstrekhen soll, damit jeder reichstand wiß, in welhen fellen er sich gegen inen des gemainen rechtens an dem kayserlichen chamergericht hab zu geprauchen und zu be[...?].

e –Es seh auch sein fstl. Gn. fur guth und furdersam an, das zu dem selben, wie auch zu erledigung der supplication [...?] furgenomen und erwellt werde–e.