Auftrag zur Übermittlung der Katharina von Reide betreffenden Briefe an den Ks. und Niklas Ziegler.

Köln, Historisches A., Best. 20A A 49, fol. 108a u. b, Kop.

/108a/ Eirsamer, hoichgelierter, lb. getruwer, as wyr uch lestvergangen uf clage der Reydynnen [= Katharina von Reide], gegen uns uf diesen richtage zu Menz ubergeben, die antwort daruf sampt andern briefen, derhalven an ksl. Mt. und H. Niclais [Ziegler] in derselbigen sache getain, zugeschickt, haben tun schryben [Nr. 1004], dieselbige briefe, an ksl. Mt. und H. Niclais haltende, durch den genden boten odir eynen posten zu ubersenden, soverre uwers bedunkens ksl. Mt. balde gen Menz komen wurde, hinder uch bis daran zu behalten und alsdann durch uch selbs zu presentieren, uf das dann die sachen nyet versumpt, wyr auch widerumb von ksl. Mt. und H. Niclaus antwort erlangen mugen, so haben wyr uch darome Wilhelm, zeiger diß briefs, zugesant, die briefe vort ksl. Mt. und H. Niclais zuzubrengen und zu /108b/ presentieren, uch hierinne so truwelich erzeigende, as wyr uns des genzlich zo uch versehen. Datum die Laurentii Ao. etc. XVII.