[1.] Haltung in der Sessionsfrage gegenüber den Gesandten Aachens, Kölns und der schwäbischen Städtebank; [2.] Frage der Vollmacht für den Gesandten; [3.] Weisung zur Teilnahme am Ausschuss; [4.] Mitnahme der auf dem Kölner Reichstag vorgebrachten Supplikation.

A) Straßburg, AM, AA 340, fol. 18a, Konz.; B) Ebd., fol. 19a, Konz.

Instruction uf den richstag gon Wurmß 1513

[1.] a–Des sitzs halb soll die botschaft–a, wo möglich, sich von denen von Cöln nit absundern lossen, doch mit Cölnb keinen spann haben.

Wurden aber die von Ach ye wollen zwuschen Cöln und Straßburg sich setzen, soll c–die botschaft–c sagen,d dwil dis ein ksl. richstag sy, hab siee nit bevelhde, etwaz irrung zu machen, f–sonder zuo–f disen ziten g–also guotlich geschehen–g lossen, doch unbegeben h–in künftigem–h siner Hh. und frund fryheit und alt harkomen.

Item wollten sich die vom swäbischen bank im gang hinfurtringen, i–als sie kurzlich understanden, soll die botschaft–i, sovil möglich, nit beschehen lossen, sonder in siner ordenung j–, als obstet,–j bliben. k–Weißt die botschaft, sich mit guoten worten wol darin schicken.–k

[2.] Item des gwalts halb l–ist bishar der stat gebruch nit gewesen, iren ratsfrunden uf richstägen sonder gewalt zuo geben. Darzuo kann man noch zuo ziten nit wissen, waz gehandelt werden will. Aber ein stat Straßburg ist also by dem hl. Rich harkomen, was unser gnst. und gn. Hh. Kff., Ff., andere steend, ouch die erbern Fry- und Rstt. bishar uf richstagen bewilliget, daz sie sich desselben nie geweygert hat. Daz wird man ouch witer tuon.–l

Wolt sich aber etwas beswärlichs oder nuwerung begeben, soll m–die botschaft–m so tag so naht har entbieten, wurt sien guoten o–bescheit und bericht fynden.

[3.] Item wolt man in zuom usschutz verordnen, sol er annemen und sich in dheinen weg des wideren, sonder, sovil möglich, sich darzuo furdern und schicken, daz er in usschutz komm.

[4.] Item er soll ein copy der supplication, so der Dr. [Sebastian Brant] zuo Cöln gelesen2, mit im nemen, ob sich schicken wolt, etwaz deshalb mit dem [Zyprian] Serentiner zuo handeln oder die sach wider uf dem richstag geafert [= nochmals aufgegriffen] wurd, sich dester baß wissen zuo halten.p