[1.] Weisung, sich auch nach einer Verlegung des Reichstags nach Augsburg weiter an den Verhandlungen zu beteiligen; [2.] Auftrag, nach einem eventuellen Reichstagsende die am Reichskammergericht anhängigen Angelegenheiten zum Abschluss zu bringen.

Köln, Historisches A., Best. 20A A 47, fol. 31b–34a, Kop.

[1.] […] /32a/ Ouch ure schryven [liegt nicht vor], uns ytzo gedain, die begerte ksl. Mt., den angefangen richstach van Wormbs bis gen Ausburg zo verrucken, belangende, hain wir vernomen und darup oevermitz alle rede und vierundvierzigen von die geschickten von allen ampten und gaffelen verdragen, angesien, uch nu der handel vur anderen kundich is, ouch swerlichen were, yemantz anders van Coelne hyufzoschicken, dat ure liefde uns zo gefallen, soverre doch van andern geschickten botschaften glichermaissen geschiege, sich gen Ausburg, den angefangen richstach daeselfs vortan zo verfeulgen, zu perde oder to wagen zo uren gefallen und of ir derhalven eynicher perde behende weret, uns sulxs ylende /32b/ zo verbotschaften und, uch sulxs na nottorft zo bestellen, zo fuegen, uch ouch aller gelegenheit na myt genoechsam gleide underwegen zo versorgen.1 […]

[2.] /33a/ Ouch, so ir uns schryvet, so der richstag abgeen und nyet volzogen, sunder die Ff. und stende des Reichs abzihen wurden, wes asdann unser meynunge will syn, darup wir uch gutlich zu kennen geben, daß asdan unser begerte were, ir cleyn wyle verzihen und die vurgerurten und andere sachen am camergericht myt Dr. [Johann] Luftig hulfe furderen und zu ende brengen, das wir derhalben wyters ansuchens und vurnemens entdragen moechten blyven, wie ir myt den frunden des im raide finden wurdet und wir uch des und alles guden genzlich wail zogetruwen. […] /34a/ Datum XX. mensis Maii Ao. etc. XIII.