[1.] Spekulationen über die Reichstagsteilnahme des Ks.; Ankunft Kf. Ludwigs von der Pfalz und Bf. Georgs von Speyer; [2.] Anhörung Franz von Sickingens durch die Kff. Ludwig von der Pfalz, Albrecht von Mainz und Joachim von Brandenburg; [3.] Nachricht von der Gefangennahme dreier Kardinäle durch Papst Leo X.

München, HStA, Kasten blau 103/2c/3, fol. 194, Orig. Pap. m. S.

[1.] Gruß. Gn. H., ich habe us gemeyner sage vernomen, daz ksl. Mt. uf Augsburg zu sy, weyß doch nit eygentlich.1 Man sagt auch darneben, ksl. Mt. posterey gehe alle uf Isbruck zu, also daz sich niemans darus richten mag. Es hait aber ksl. Mt. irn forer [= Furier] noch hie zu Menz, herberge und alle ding bestelt, also daz man sagt, ksl. Mt. in acht oder 9 dagen hie zu Menz zu erschynen solle. Ich vernem auch sonst von keynem F., der syther erschynen sy, dan [Kf. Ludwig von der] Phalz und myn H. [Bf. Georg] von Spyer synt am dornstag [25.6.17] komen. Sonst hor ich von keynem weltlichen gemeynen F., der hie erschyn, auch syn botschaft hie habe.

[2.] Die dry Kff. Phalz,[Albrecht von] Menz,[Joachim von] Brandenburg handeln in Franciscus [von Sickingen] sach mit iren reten us befelch ksl. Mt.

[3.] Auch fuge ich uwern Gn. zu wissen for nuwe mer, daz Babstlich Hlkt. [Leo X.] dry kardenal mit dem hochsten gefenklich angenomen. Wes er wyter mit ine handeln, ist noch verborgen.2 Sunst weyß ich uwern ftl. Gn. nichtz zu schreiben. Dieselb mir alzit hait hirin zu gebieten. Geben uf samstag nach St. Johansdag baptist Ao. etc. XVII.